જૈન ધર્મમાં વરસી તપની આરાધના બાદ પારણા એક ઉત્સવની જેમ ઉજવાય છે પરંતુ હાલના સંજોગોમાં દીકરીને પારણા કરાવવા જઇ ન શકવાનો અફસોસ તો છે પણ સાથે પોલીસ કર્મી તરીકે ફરજ બજાવવાનો ગર્વ પણ છે તેમ નેહલબેન ચાંપાનેરીએ જણાવ્યું હતું. નેહલબેનની પુત્રી દિક્ષા ભુજ વિસ્તારના ધારાસભ્ય ડો.નીમાબેન આચાર્યની કૌટુંબિક ભત્રીજી થાય છે ત્યારે ડો.નીમાબેને પણ વિડીયો કોલિંગ મારફત દિક્ષાને વરસી તપના પારણા કરાવ્યા હતા. પારણા કરાવતી વેળાએ પરિવાર ભાવુક બન્યો હતો. દિક્ષાએ પણ જૈન ધર્મમાં સમજાવાયું છે તેમ સંયમ ધરવા લોકોને અપીલ કરી હતી.
