ગાંધીધામની રેડીસન હોટલમાં પહોંચતા મુકેશ આચાર્ય દ્વારા અભિનેતા રણવીર સિંહ, બોમન ઈરાની,અભીનેત્રી શાલીની ચોપડાનું સ્વાગત કરાયું હતુ. બીજા દિવસે કચ્છના પ્રવેશ દ્વાર સુરજબારી ચેકપોસ્ટ ટોલગેટ નજીક નેશનલ હાઈવે પર એક જુના મોડલની કાર પાછળ પોલીસની ગાડીઓ ભાગતી જોવા મળી હતી. ફરી કોઇ ગુનેગારને પકડવા માટે પોલીસ અને ચોર વચ્ચે સંતાકુકડી રમાતી હોવાનું પ્રથમ નજરે જણાયું હતું. પરંતુ ત્યારબાદ કોઇ ફીલ્મની શૂટિંગ ચાલતું હોવાનું ખુલ્યું હતું.
કચ્છની ભુમી ફીલ્મોની શૂટિંગ માટે અજાણ નથી, ગુજરાતી કથા વાર્તા અને ગુજરાતી યુવાનની લાક્ષણીકતાઓ કોમેડી સાથે રજુ કરતી ફીલ્મ 'જયેશભાઈ જોરદાર' નું શૂટિંગ સુરજબારી પાસે ચાલુ કરવામાં આવ્યું હતું. ફીલ્મના મુળ ગુજરાતી ડાયરેક્ટર દિવ્યાંગ ઠક્કરે જણાવ્યું હતુ કે જયેશભાઈની જોરદારની ફીલ્મની શુંટીંગ માટે અમે આવ્યા છીએ. જેમા હીરો રણવીર સિંહ અને બોમન ઈરાની જેવા કલાકારો પણ છે. ત્રણ દિવસ સુધી કચ્છમાં આ ફીલ્મનું શૂટિંગ ચાલવાનું છે. જેમાં 70 થી વધુ ખાનગી સિક્યોરીટી પણ સામેલ છે. ભચાઉ, સામખિયાળી પોલીસ સ્ટેશનના જવાનો સુરક્ષા વ્યવસ્થા જોઇ રહ્યા છે.
